“Галоўная дата краіны”

30.06.2015

Напярэдадні дзяржаўнага свята Дня Незалежнасці ў чытальнай зале арганізавана выстава “Галоўная дата краіны ”, якая будзе дзейнічаць да 5 ліпеня.
На выставе прадстаўлены Канстытуцыя Рэспублікі Беларусь як асноўны закон дзяржавы, Дэкрэт Прэзідэнта краіны №1 ад 11 снежня 1996 г. “Аб устанаўленні дзяржаўнага свята - Дня Незалежнасці Рэспублікі Беларусь”, якім зацверджана штогод адзначаць 3 ліпеня ў Дзень вызвалення Беларусі ад гітлераўскіх захопнікаў Дзень Незалежнасці Рэспублікі Беларусь (Дзень Рэспублікі) як усенароднае свята. Выстава змяшчае таксама кнігі, артыкулы з перыядычных выданняў, фотаздымкі. Зацікавяць карыстальнікаў 3-х томны энцыклапедычны даведнік "Современная Беларусь"; ілюстраваная гісторыя дзяржавы “Суверенная Беларусь”, у якой у храналагічнай паслядоўнасці адлюстраваны асноўныя этапы развіцця сувярэннай Рэспублікі Беларусь з часу з’яўлення на гістарычнай арэне незалежнай беларускай дзяржавы да сярэдзіны 2008 г.; кніга “Белорусский путь”, выдадзеная ў Мінску ў 2012 г. ; зборнік “Рэспубліка Беларусь. 20 год незалежнасці”, дакументальна-мастацкая кніга “Наша Перамога. Хроніка Вялікай Айчыннай вайны” і шэраг іншых выданняў.