Праз кнігу - да міру і стварэння
У рамках Года міру і стварэння ў інфармацыйна-сэрвісным цэнтры раённай бібліятэкі пачала дзейнічаць кніжна-ілюстраваная выстава-экспазіцыя «Праз кнігу - да міру і стварэння».
Экспазіцыя складаецца з трох тэматычных раздзелаў: «Пад знакам міру, гуманізму, дабрыні», «Аб вайне ў імя жыцця і міру», «Вызначыліся працай».
У сучасных рэаліях паняцці «мір» і «стварэнне» набываюць асаблівае значэнне для кожнага грамадзяніна. Мір - самая важная і актуальная тэма сённяшняга дня. Увазе наведвальнікаў прапанаваны кнігі, дакументальныя выданні, якія расказваюць аб дасягненнях нашай краіны, міралюбнасці, талерантнасці, працавітасці беларускага народа. Шырока прадстаўлены краязнаўчы матэрыял.
Выстава будзе абнаўляцца на працягу года.
Запрашаем наведвальнікаў бібліятэкі азнаёміцца з прадстаўленымі матэрыяламі!
