Краязнавец з Вялікай літары: біябібліяграфічны паказальнік

Краязнавец з Вялікай літары: біябібліяграфічны паказальнік / УК «Кобрынская цэнтральная раённая бібліятэка», аддзел абслугоўвання і інфармацыі; склад. С. Д. Курачук. - Кобрын, 2014. – 48 с. : іл.

Біябібліяграфічны паказальнік прысвечаны жыццю і дзейнасці Аляксея Міхайлавіча Мартынава, Ганаровага грамадзяніна г. Кобрына, Ганаровага члена рэспубліканскага грамадства аховы помнікаў гісторыі і культуры, публіцыста, краязнаўца, гісторыка, выдатнага кіраўніка, які ўнёс вялікі ўклад у захаванне гісторыка-культурных каштоўнасцяў Кобрынскага раёна. А. М. Мартынаў быў ініцыятарам увекавечання месцаў, звязаных з гістарычнымі падзеямі на Кобрыншчыне. Многія ўстановы горада з’явіліся пры непасрэдным удзеле і намаганнях гэтага чалавека: Кобрынскі ваенна-гістарычны музей імя А.В. Суворава, які стаў сапраўды справай усяго жыцця А. М. Мартынава, гарадская бібліятэка, пошта. Па ініцыятыве Аляксея Міхайлавіча быў заснаваны парк культуры і адпачынку імя А. В. Суворава. А. М. Мартынаў - не толькі збіральнік матэрыялаў пра Кобрынскі край, але яшчэ і выдатны папулярызатар гэтых ведаў.

Паказальнік мае наступную структуру:

Біяграфічны нарыс

Бібліяграфічныя матэрыялы

 Працы А.М. Мартынава

Працы А.М. Мартынава па тэмах

Аб жыцці і дзейнасці

Алфавітны паказальнік прац

Ілюстрацыйны матэрыял     

Выданне ўключае таксама фотаздымкі з сямейнага архіва краязнаўцы і Кобрынскага ваенна-гістарычнага музея імя А. В. Суворава.

Паказальнік прац і літаратуры аб жыцці і дзейнасці А. М. Мартынава будзе карысны даследчыкам, настаўнікам, навучэнцам, бібліятэкарам, краязнаўцам-аматарам.