Біябібліяграфічны паказальнік « Леанід Глушко. Я веру ў жыццё…».

20.08.2015

Бібліёграфамі цэнтральнай бібліятэкі складзены і выдадзены біябібліяграфічны паказальнік « Леанід Глушко. Я веру ў жыццё…» з нагоды 75-годдзя з дня нараджэння кобрынскага паэта Леаніда Фёдаравіча Глушко.
Выданне знаёміць з біяграфіяй аўтара, яго творчасцю, даецца бібліяграфічнае апісанне мноства крыніц, якія адлюстроўваюць творы Л.Ф. Глушко і літаратуру аб яго жыцці і творчасці. Біябібліяграфічны паказальнік ілюстраваны.

Супрацоўнікі Кобрынскай цэнтральнай раённай бібліятэкі сардэчна віншуюць кобрынскага паэта, сябра бібліятэкі, удзельніка мноства нашых літаратурных мерапрыемстваў Леаніда Фёдаравіча Глушко з юбілеем і жадаюць гэтаму цудоўнаму, творчаму чалавеку здароўя, бясконцага натхнення і даўгалецця.

Леанід Фёдаравіч!

Жадаем з радаснай нагоды
Здароўе мець, са шчасцем быць,
Не знаць бяды, жадаем згоды,
Да ста гадоў Вам зычым жыць.
Няхай заўсёды Бог абараняе
Ад зла, хваробы і журбы
І ласку шчодра пасылае
Сёння, заўтра і заўжды!