Захавальнікі гісторыі роднага краю: турыстычна-бібліяграфічны даведнік

Захавальнікі гісторыі роднага краю : турыстычна-бібліяграфічны даведнік / ДУК “Кобрынская раённая цэнтралізаваная бібліятэчная сістэма”, цэнтральная раённая бібліятэка, аддзел абслугоўвання і інфармацыі ; склад.: С. Д. Курачук, Л. С. Дардзюк. – Кобрын, 2016. – 200 с. : каляр. фота.

Галоўная мэта турыстычна-бібліяграфічнага даведніка - даць магчымасць карыстацца значным масівам краязнаўчай інфармацыі пра розныя аспекты мінулага і сучаснага выдатных мясцін, помнікаў, славутасцей горада Кобрына і Кобрынскага раёна. Звесткі аб аб’ектах гісторыі і культуры Кобрынскага раёна даюцца на падставе кніг, публікацый у СМІ, архіўных даных.
Выданне складаецца з 6-ці раздзелаў:
1. Гісторыка-культурныя каштоўнасці Кобрыншчыны, уключаныя ў Дзяржаўны спіс гісторыка-культурных каштоўнасцей Рэспублікі Беларусь;
2. Помнікі археалогіі;
3. Помнікі архітэктуры, горадабудаўніцтва;
4. Помнікі гісторыі;
5. Помнікі знакамітым землякам і дзяржаўным дзеячам;
6. Помнікі прыроды. Палаца-паркавыя ансамблі.
Раздзел “Помнікі гісторыі” у сваю чаргу ўключае наступныя падраздзелы:
- “Помнікі часоў уваходжання Беларусі ў склад Расійскай імперыі (канец 18 ст. – 1917 г.)”;
-“Помнікі 1812 г. на Кобрыншчыне”;
- “Помнікі часоў Першай сусветнай вайны (1914-1918 гг.) і савецка-польскай вайны”;
- “Помнікі часоў уваходжання Заходняй Беларусі ў склад Польшчы (1921-1937). 1939 год”;
- “Помнікі Вялікай Айчыннай вайны”;
- “Помнікі воінам-інтэрнацыяналістам“;
- “Помнікі пасляваеннай гісторыі. Памятныя мясціны 21 стагоддзя”.
Кожны раздзел прадстаўлены гісторыка-архітэктурнай даведкай, фотаздымкамі, спісам крыніц. Ахарактарызавана каля 300 аб'ектаў, бібліяграфія прадстаўлена больш за 400 крыніцамі. Даведачны апарат уключае геаграфічны паказальнік, які значна аблягчае пошук матэрыялу па населеных пунктах Кобрынскага раёна.
Турыстычна-бібліяграфічны даведнік прызначаны экскурсаводам, турыстам, бібліятэчным работнікам, краязнаўцам, а таксама шырокаму колу чытачоў.