Вазьміце кнігу ў рукі!
16.06.2016
У рамках конкурсу “Лета і кніга” юныя чытачы Гарадзецкай публічнай бібліятэкі прынялі ўдзел у займальным падарожжы “Вазьміце кнігу ў рукі!”. Пад час мерапрыемства дзеці наведалі знаёмыя старонкі самых папулярных дзіцячых кніг.
З дапамогай конкурсу цікавых загадак “З кніжнай сцяжынкі”, літаратурнай віктарыны ”Хто жыве ў чароўным лесе?”, вясёлага конкурсу “З якой казкі гэтыя прадметы?” і пазнавальнай гульні “Кніжныя хованкі” рабяты мелі магчымасць паразважаць аб тым, як заставацца сапраўдным сябрам кнігі, нягледзячы на тое, што побач камп'ютары, Інтэрнэт, разнастайныя гаджэты і іншыя дасягненні сучаснага чалавецтва.
У канцы праграмы ўсе разам вывучылі клятву вернага чытача.
