Напісана вайной – увекавечана літаратурай

20.06.2016

У інфармацыйна-сэрвісным цэнтры цэнтральнай бібліятэкі да 75-годдзя з пачатку гераічнай абароны Брэсцкай крэпасці арганізаваны адкрыты прагляд літаратуры «Напісана вайной – увекавечана літаратурай”.
Гераічная абарона Брэсцкай крэпасці ў пачатку Вялікай Айчыннай вайны (22 чэрвеня - канец ліпеня 1941) стала ўзорам стойкасці і мужнасці. На працягу тыдня гарнізон крэпасці стрымліваў націск 45-й нямецкай пяхотнай дывізіі, якую падтрымлівалі артылерыя і авіяцыя. Абрушыўшы смяротны агонь на крэпасць, нямецка-фашысцкія захопнікі разлічвалі адразу захапіць горад і крэпасць, але цытадэль заставалася непакоранай.
8 мая 1965 г. крэпасці прысвоена ганаровае званне «Крэпасць-герой» з уручэннем ордэна Леніна і медаля «Залатая Зорка». На тэрыторыі крэпасці створаны Музей Брэсцкай крэпасці-героя, адкрыты мемарыяльны комплекс; адна з вуліц горада названа вуліцай Герояў абароны Брэсцкай крэпасці.