Свята Слова, свята Кнігі
09.09.2016
У рамках творчай сустрэчы кобрынскіх паэтаў, прысвечанай Дню беларускага пісьменства, прайшла прэзентацыя Календара-летапіса “Свята Слова, свята Кнігі”, падрыхтаванага і выдадзенага бібліёграфамі цэнтральнай раённай бібліятэкі. Адзначана актуальнасць гэтага выдання напярэдадні вялікай падзеі - 500-годдзя беларускага кнігадрукавання.
Адзін экземпляр Календара-летапіса з удзячнасцю за творчае супрацоўніцтва быў падараваны кіраўніку народнага аматарскага аб’яднання Л. І. Лазюк. Прысутныя ў зале выказалі жаданне набыць гэтае выданне (прыняты заяўкі).
Мерапрыемства адбылося ў Дварцы культуры. Гучалі вершы кобрынскіх паэтаў на беларускай мове. Удзельнікамі сталі вучні школ горада.
