Дапамагаем адкрываць родны край
13.04.2018 11:16
У рамках Года малой радзімы да Міжнароднага дня помнікаў і гістарычных мясцін бібліёграфамі цэнтральнай раённай бібліятэкі складзены рэкламныя плакаты, прысвечаныя помнікам археалогіі, гісторыі, архітэктуры Кобрынскага краю: рэкламнае выданне «Гісторыка-культурная спадчына Кобрыншчыны» і плакат-карта культурна-гістарычных аб’ектаў Кобрыншчыны «Дапамагаем адкрываць родны край».
18 красавіка традыцыйна адзначаецца Міжнародны дзень помнікаў і гістарычных мясцін (International Day for Monuments and Sites), дэвізам якога сталі словы «Захаваем нашу гістарычную радзіму». Беларусь імкнецца да прыкладу развітых еўрапейскіх краін, дзе ашчадліва і далікатна ставяцца да ўласнай гісторыі. Гісторыка-культурная спадчына з’яўляецца нашым нацыянальным здабыткам, а яе захаванне – абавязак кожнага з нас!