Свята годнасці, памяці, адзінства
29.06.2018 10:39
Напярэдадні дзяржаўнага свята Дня Незалежнасці Рэспублікі Беларусь у інфармацыйна-сэрвісным цэнтры цэнтральнай бібліятэкі арганізавана выстава “Свята годнасці, памяці, адзінства”, якая будзе дзейнічаць да 5 ліпеня.
3 ліпеня ў Дзень вызвалення Беларусі ад фашысцкай акупацыі адзначацца Дзень Незалежнасці (Дзень Рэспублікі) як усенароднае нацыянальнае свята. На выставе прадстаўлены Канстытуцыя Рэспублікі Беларусь як асноўны закон дзяржавы, кнігі, артыкулы з перыядычных выданняў, краязнаўчыя бібліяграфічныя выданні цэнтральнай бібліятэкі, прысвечаныя вызваленню Кобрыншчыны ад нямецка-фашысцкіх захопнікаў.