Неад'емныя сімвалы суверэннай Беларусі

У інфармацыйна-сэрвісным цэнтры цэнтральнай раённай бібліятэкі арганізавана выстаўка «Неад'емныя сімвалы суверэннай Беларусі» з серыі «Святочныя даты нашай дзяржаўнасці», прысвечаная Дню Дзяржаўнага герба і Дзяржаўнага сцяга Рэспублікі Беларусь.

Дзень Дзяржаўнага герба і Дзяржаўнага сцяга Рэспублікі Беларусь як свята суверэнітэта і адзінства нацыі краіны адзначаецца ў другую нядзелю мая. Дзяржаўныя сімвалы Рэспублікі Беларусь заснаваны на гераічнай гісторыі Беларусі і ў сваім мастацкім афармленні адпавядаюць як традыцыям і памкненням беларускага народа, так і міжнародным геральдычным нормам і правілам.
На выстаўцы прадстаўлены Закон Рэспублікі Беларусь «Аб дзяржаўных сімвалах Рэспублікі Беларусь», кнігі, артыкулы з перыядычных выданняў аб гісторыі галоўных сімвалаў краіны, геральдычныя сімвалы Кобрынскага раёна, а таксама сцэнарныя матэрыялы «Роднай краіны дзяржаўныя сімвалы», «Сімвалы малой радзімы», падрыхтаваныя бібліёграфамі цэнтральнай бібліятэкі.