Першы ўрок у бібліятэцы
02.09.2019 16:41
У інфармацыйна-сервісным цэнтры цэнтральнай раённай бібліятэкі для дзевяцікласнікаў СШ №№ 1 і 8 прайшоў першы ўрок «Занімай, Беларусь маладая мая, свой пачэсны пасад між народамі».
Пры дапамозе мультымедыйнай прэзентацыі вучні пазнаёміліся з сучаснымі дасягненнямі нашай краіны ў розных сферах жыцця, пачулі вершы беларускіх класікаў пра Беларусь. Адказваючы на пытанні віктарыны аб Кобрыне, яны маглі праверыць свае веды і даведацца шмат новага аб сваёй малой радзіме. Самы актыўны ўдзельнік віктарыны атрымаў памятны падарунак. Напрыканцы мерапрыемства кобрынская паэтка Наталля Кандрашук прачытала дзецям свае вершы на беларускай мове.