Увасабленне густу і якасці
Увасабленне густу і якасці : інфармацыйна-бібліяграфічнае выданне да 25-годдзя з часу заснавання ВУП «Брэсцкія традыцыі» (Кобрынскі мясакамбінат) / Кобрынская раённая цэнтралізаваная бібліятэчная сістэма, цэнтральная раённая бібліятэка, аддзел абслугоўвання і інфармацыі ; склад.: С. Д. Курачук. – Кобрын : цэнтральная раённая бібліятэка, 2022. – 48 с. : фат. – (Серыя «З гісторыі прадпрыемстваў горада»).
Інфармацыйна-бібліяграфічнае выданне з серыі «З гісторыі прадпрыемстваў горада» дае магчымасць пазнаёміцца з гісторыяй заснавання і сённяшнім днём ВУП «Брэсцкія традыцыі» (Кобрынскі мясакамбінат).
Інфармацыйна-бібліяграфічны паказальнік прадстаўлены гісторыка-эканамічным нарысам і спісам крыніц. Выданне мае наступную структуру:
Ад складальніка
Гісторыка-эканамічны нарыс:
На пачатку шляху
Круты пад'ём да поспеху
На любы густ: карысна, таму што натуральна
Якасць - на асаблівым кантролі
ВУП «Брэсцкія традыцыі»: аб'яднанне - шлях да поспеху
Спіс крыніц
Спіс перыядычных выданняў, матэрыялы з якіх уключаны ў паказальнік.
Паказальнік уключае больш за 100 крыніц. Творы друку згрупаваны па відах: кнігі, брашуры, главы, раздзелы з кніг, энцыклапедычных выданняў; часопісныя і газетныя артыкулы. Кнігі размешчаны ў алфавіце аўтараў, назваў кніг, артыкулы – па гадах у зваротнай храналогіі, унутры года – у алфавіце аўтараў, загалоўкаў. Уключаны артыкулы з перыядычных выданняў, пачынаючы з 1996 года. Для раскрыцця зместу пры неабходнасці да запісаў даюцца кароткія даведачныя анатацыі. Адбор літаратуры завершаны ў маі 2022 года.
У інфармацыйна-бібліяграфічным выданні выкарыстаны фотаздымкі розных гадоў з інтэрнэт-сайтаў, а таксама з фотагалерэі Кобрынскай цэнтральнай раённай бібліятэкі, Залескай публічнай бібліятэкі.
Паказальнік адрасаваны ўсім, хто займаецца вывучэннем роднага краю, цікавіцца яго гісторыяй, культурай, эканомікай.
 2022 Увасабленне густу.pdf | 1946 Kb |