Святло надзеі
13.11.2023 08:43
У філіяле “Дзівінская публічная бібліятэка” адбылася творчая сустрэча з паэткай Надзеяй Момлік “Святло надзеі”. На сустрэчы прысутнічалі настаўнікі і вучні Кіселявецкай сярэдняй школы. Надзея Іванаўна распавяла аб сваім жыццевым шляху і творчай дзейнасці. Удзельнікі сустрэчы паглядзелі мультымедыйную прэзентацыю “Святло ліецца спадзяваннем на мір і шчасце на зямлі”. Надзея Момлік пазнаёміла ўсіх са сваімі кнігамі і зборнікамі паэзіі, у якіх надрукаваны яе вершы.
У канцы мерапрыемства, прагучалі песні на словы Надзеі Момлік у выкананні Т.Гурыш і Н.Пушыла. Жадаючыя набылі кнігі з аўтографам аўтара.
