Такія знаёмыя назвы і словы, такая цудоўная родная мова
23.02.2024 15:03
У філіяле «Дзівінская публічная бібліятэка» для вучняў дзіцячага дома прайшло літаратурнае чытанне «Такія знаёмыя назвы і словы, такая цудоўная родная мова». Падчас час мерапрыемства ўдзельнікі пачулі і адчулі прыгажосць і мілагучнасць беларускага слова. Бібліятэкар расказала аб важным значэнні мовы ў жыцці чалавека, а асабліва роднай мовы, прапанавала прыняць удзел у конкурсах «А ці ведаеце вы? », «Перакладчык», «Закончыце сказы». Прагучала шмат беларускамоўных прыказак, прымавак, загадак, у якіх адлюстроўваецца старадаўняя мудрасць і душа беларускага народа. Дзеці чыталі вершы Я. Янішчыц, У. Дубоўкі, М. Танка, Я.Купалы, П. Панчанкі.
