Белай Руссю завецца мой край...

28.11.2016

У форме гульнёвага падарожжа для малодшых школьнікаў прайшло ў Дзівіне чарговае мерапрыемства краязнаўчай тэматыкі пад назваю "Белай Руссю завецца мой край...", арганізаванае бібліятэкай і ЦКД. Цікавая віктарына па беларускім казкам, вясёлая музычная праграма, пасядзелкі ў "беларускай хатке", пацешкі, частушкі, вершы, загадкі, сустрэча з Восеньскай Дзяўчынкай - усё гэта ў даступнай форме дазволіла дзецям бліжэй пазнаёміцца з нацыянальнай культурай і адчуць сябе яе часцінкай. Прыцягвала ўвагу школьнікаў і кніжная выстава "Паклон табе, беларуская кніжка". Хлопчыкі і дзяўчынкі паглядзелі пастаноўку лялечнага тэатра "Як казкі пераблыталіся".