Людзі навукі нашага краю

З 1 жніўня ў інфармацыйна-сэрвісным цэнтры цэнтральнай раённай бібліятэкі экспануецца выстава-партрэт навукоўцаў Кобрыншчыны "Людзі навукі нашага краю", арганізаваная ў рамках Года навукі ў Рэспубліцы Беларусь.
Матэрыялы выставы знаёмяць з вядомымі навукоўцамі, выхадцамі з Кобрыншчыны, сапраўднымі аўтарытэтамі ў той ці іншай галіне навукі. Прадстаўлены іх біяграфіі, працы, навуковыя публікацыі, а таксама літаратура пра жыццё і дзейнасць.
Выстава адрасавана шырокаму колу чытачоў і налічвае больш 50 дакументаў: кніг, часопісаў, брашур, газет і інш.
Запрашаем усіх жадаючых пазнаёміцца з выставай.