Цэнтральная бібліятэка сумесна з кінатэатрам “Вясёлка” правяла гадзіну літаратурнага партрэта “У гасцях у Францыска Скарыны”, прысвечаную 500-годдзю беларускага кнігадрукавання.
У мерапрыемстве ўдзельнічалі вучні старэйшых класаў ДУА «Сярэдняя школа №9 г. Кобрына».
Супрацоўнікі бібліятэкі разам з гасцямі прагарталі старонкі біяграфіі Францыска Скарыны, пазнаёміліcя з сусветнай гісторыяй кнігадрукавання і гісторыяй беларускай кнігі.
Мерапрыемства завяршылася праглядам фільма “Першадрукар” аб жыцці і дзейнасці самага вядомага і знакамітага на ўвесь свет беларуса – Францыска Скарыны.