Спадчына роднай вёскі

Тэвельская публічная бібліятэка правяла фальклорную гадзіну "Спадчына роднай вёскі" ў Тэвельскім дзіцячым садзе-пачатковай школе. Вядучыя мерапрыемства пазнаемілі прысутных  з гісторыяй вёскі і звычаямі яе жыхароў, правялі падарожжа па старонках беларускіх кніг і часопісаў.

Вучні чыталі вершы пра родную мову, пра Беларусь. Фальклорны гурт "Скарыначка" Тэвельскага клуба парадаваў прысутных песнямі, а вышывальніца Майя Гамола расказала пра свае вышыўкі. Праведзены майстар-клас "Бабуліны танцы", які зацікавіў не толькі вучняў, але і настаўнікаў.