Выстава «Гарадскі аазіс»

Юбілейная выстава «Гарадскі аазіс», якая прысвечана Кобрынскаму парку імя А. В. Суворава, пачала функцыянаваць у інфармацыйна-сервісным цэнтры бібліятэкі. 

2018 год для парку тройчы юбілейны: 250 гадоў з часу заснавання, 70 гадоў у статусе парку культуры і адпачынку, 55 гадоў з часу прысваення статуса помніка садова-паркавага мастацтва. Святочная выстава-панарама дазваляе зрабіць экскурс у мінулае парку, а таксама пазнаёміцца з яго сучаснымі перспектывамі, каштоўнасцямі.