Вобразная, вольная, пявучая – мова беларуская мая

Міжнароднаму дню роднай мовы ў Гарадзецкай публічнай бібліятэцы прысвечаны шэраг мерапрыемстваў. Урок беларусазнаўства «Вобразная, вольная, пявучая – мова беларуская мая» для вучняў 4 класа Гарадзецкай сярэдняй школы пачаўся з размовы пра гісторыю ўзнікнення Дня роднай мовы, пра неабходнасць шанаваць і захоўваць яе. У выканні бібліятэкара і наведвальнікаў мерапрыемства прагучалі вершы пра родную мову. Дзеці паказалі добрыя веды ў перакладзе слоў з рускай на беларускую мову, разгадалі загадкі і разам заспявалі «Беларускую калыханку». Відэапрэзентацыя да 105-годдзя А. А. Куляшова пазнаёміла прысутных з біяграфіяй і творчасцю выдатнага беларускага паэта. У гонар паэта-юбіляра сумесна са старшакласнікамі арганізавана акцыя «Размаўляй са мной па-беларуску».