Сябруй з роднай мовай

Бібліятэкар Стрыгаўскай публічнай бібліятэкі і работнікі Цэнтра культуры і вольнага часу правялі літаратурную гадзіну “Сябруй з роднай мовай”.

Адчуць асалоду ад цудоўнай паэзіі, паразмаўляць, паслухаць і пачытаць вершы на роднай мове мелі магчымасць вучні Стрыгаўскага д/с-сярэдняй школы. Такой на сённяшні час рэдкай і таму вельмі каштоўнай магчымасцю стала сустрэча з членам літаратурнага клуба “ПаэтиКо” Нінай Пучык, мясцовым аўтарам шматлікіх вершаў пра родныя мясціны, прыроду, каханне, разважанні пра жыццё, а таксама на афгаскую тэму. З непаддзельнай цікавасцю звярталіся вучні да паэта з пытаннямі аб творчасці, дзяцінстве. Бібліятэкар зрабіла агляд кніжнай выставы, на якой побач з творамі класікаў беларускай літаратуры размяшчаліся і публікацыі вершаў Ніны Венедзіктаўны. Напрыканцы сустрэчы ўдзячныя слухачы ўзялі ў аўтара аўтографы, а на памяць аб сустрэчы падарылі паэтцы невялічкі сувенір, зроблены сваімі рукамі.