Датуль завёмся мы народам, пакуль шануем карані

У рамках Года гістарычнай памяці ў Кобрынскай цэнтральнай раённай бібліятэцы прайшла фальклорна-этнаграфічная гадзіна “Датуль завёмся мы народам, пакуль шануем карані”. Гасцямі мерапрыемства сталі навучэнцы старэйшых класаў лагера працы і адпачынку СШ №6 г. Кобрына.

Прысутныя пазнаёміліся з народнымі святамі беларускага календара: "Дзяды", "Масленіца", "Сарокі", "Камаедзіца", "Юр'еў дзень", з нацыянальнай кухняй беларусаў, з традыцыйным народным беларускім адзеннем. Асаблівы акцэнт вядучыя зрабілі на кобрынскі строй жаночага касцюма - касцюм свахі в. Лелікава, які ў 2018 годзе, як элемент нематэрыяльнай культурнай спадчыны "Традыцыі вырабу і выкарыстання касцюма Лелікаўскай свахі" быў уключаны ў Дзяржаўны спіс гісторыка-культурных каштоўнасцей Рэспублікі Беларусь.
Завяршылася мерапрыемства віктарынай "Сцежкамі роднай зямлі".