Вытворцы дзіцячай радасці

Да 25-годдзя з часу заснавання СТАА «ВП Палессе» бібліёграфы цэнтральнай раённай бібліятэкі падрыхтавалі інфармацыйна-бібліяграфічнае выданне «Вытворцы дзіцячай радасці» з серыі «З гісторыі прадпрыемстваў горада».

Паказальнік дае магчымасць пазнаёміцца з гісторыяй заснавання і сённяшнім днём СТАА «ВП Палессе». Брэнд «Палесся» шырока вядомы ў многіх краінах свету. На рынку тавараў для дзяцей СТАА «ВП Палессе» з'яўляецца адной з вядучых кампаній па вытворчасці пластмасавых цацак высокай якасці з экалагічна чыстых матэрыялаў сярод краін Еўропы і СНД. Прывабныя расфарбоўкі і непаўторны дызайн прадукцыі дазваляюць прадпрыемству займаць лідзіруючыя месцы, канкурыраваць з самымі вядомымі замежнымі фірмамі.
Выданне мае наступную структуру:
Ад складальніка
Гісторыка-эканамічны нарыс
Як усё пачыналася
Год за годам: этапы станаўлення
«ВП Палессе» – заўсёды на вышыні
Шлях да поспеху
Добры след «Палесся»
Якасна працаваць - якасна жыць
Спіс крыніц
Спіс перыядычных выданняў, матэрыялы з якіх уключаны ў паказальнік.
Паказальнік уключае больш за 100 крыніц. Адрасаваны ўсім, хто займаецца вывучэннем роднага краю, цікавіцца яго гісторыяй, культурай, эканомікай.