Новая літаратура аб Кобрыне і Кобрынскім раёне
Новая літаратура аб Кобрыне і Кобрынскім раёне: бягучы бiблiяграфiчны паказальнiк за 2014 год / УК «Кобрынская цэнтральная раённая бібліятэка»; аддзел абслугоўвання і інфармацыі; склад. С.Д. Курачук. - Кобрын, 2015. – 120 с.
Бягучы бiблiяграфiчны паказальнiк “Новая літаратура аб Кобрыне і Кобрынскім раёне” (“Літаратура аб Кобрыне і Кобрынскім раёне”) выдаецца з 1991 года. У паказальнік уключаны кнігі і артыкулы з часопісаў і газет за 2014 год. Крынiцай для падбору матэрыяла з'яўляецца краязнаўчы змест дакументаў. Выданне ўключае асобныя кнiгi i главы з iх, артыкулы са зборнiкаў, часопiсаў, рэспублiканскiх, рэгiянальных газет i найбольш значныя матэрыялы з раённых i гарадскiх.
Дакументы размешчаны ў сiстэматычным парадку, унутры раздзелаў – па алфавіту аўтараў, загалоўкаў. Апісанні кніг і артыкулаў з невыразнымі загалоўкамі коратка раскрываюцца.
Асноўныя раздзелы спіса: “Край у цэлым”, “Мясцовыя органы ўлады і кіравання, іх дзейнасць, грамадскае жыццё краю”, “Прырода і прыродныя рэсурсы. Экалогія. Ахова прыроды”, “Эканоміка краю”, “Сельская гаспадарка”, “Ахова здароўя. Медыцынскія ўстановы. Фізічная культура і спорт”, “Культурнае будаўніцтва. Навуковае жыццё. Асвета. Друк”, “Мастацтва. Край у творах мастацтва”, “Літаратурнае жыццё. Край у мастацкай літаратуры. Фальклор”, “Гісторыя, этаграфія, археалогія краю”, “Персаналіі мясцовых дзеячаў”.
У канцы паказальніка размешчаны геаграфічны пака-зальнік, спiс перыядычных выданняў, якiя выкарыстаны пры складаннi дапаможнiка
Мэта бягучага бібліяграфічнага дапаможніка – інфармаваць аб новай літаратуры пра Кобрынскі край. Выданне адрасуецца усiм, хто цiкавiцца мiнулым i сённяшнім роднага краю, яго гісторыяй, культурай, а таксама можа быць выкарыстана ў бiблiяграфiчнай дзейнасцi бiблiятэк.
 Новая літ. аб Кобрыне і Кобрынскім раёне за 2014г..doc | 541 Kb |
 Новая літ. аб Кобрыне і Кобрынскім раёне за 2014г..pdf | 1004 Kb |