Малой радзімы прыцяжэнне
Малой радзімы прыцяжэнне : інфармацыйна-бібліяграфічны паказальнік да 475-годдзя з часу першага згадвання ў пісьмовых крыніцах вёсак Лелікава, Павіцце Кобрынскага раёна / Кобрынская раённая цэнтралізаваная бібліятэчная сістэма, цэнтральная раённая бібліятэка, аддзел абслугоўвання і інфармацыі ; склад. С. Д. Курачук. – Кобрын, 2021. – 90 с. : каляр. фат. - (Серыя «Па вёсках нашага краю»).
Інфармацыйна-бібліяграфічны паказальнік прысвечаны 475-годдзю з часу першага ўпамінання ў пісьмовых крыніцах вёсак Лелікава, Павіцце Кобрынскага раёна. Выданне мае разгорнутую структуру і свой унікальны фармат. Аповед пра два населеныя пункты Кобрыншчыны сабраны пад адной вокладкай у незвычайнай падвойнай форме - «лелікаўская» і «павіццеўская» часткі паказальніка размешчаны люстрана.
Выданне змяшчае значную інфармацыю аб надзвычай цікавых, унікальных вёсках-юбілярах, расказвае аб падзеях далёкага мінулага і тых, што яшчэ ў многіх у памяці, славутасцях, памятных мясцінах, традыцыях, вядомых земляках. Удакладняюць інфармацыю фотаздымкі з галерэі Кобрынскай цэнтральнай раённай бібліятэкі, архіваў Лелікаўскай і Павіццеўскай публічных бібліятэк. У паказальніку шырока прадстаўлена бібліяграфія: кнігі, артыкулы з кніг, пералік публікацый з газет і часопісаў на беларускай і рускай мовах з 1959 па 2021 год. Даведачны апарат прадстаўлены алфавітным спісам перыядычных выданняў, матэрыялы з якіх уключаны ў паказальнік.
Выданне разлічана на шырокае кола чытачоў, усіх, хто цікавіцца гісторыяй роднага краю, яго культурай, мовай, этнаграфіяй.
 Лелікава.pdf | 5417 Kb |
| Павіцце.pdf | 5760 Kb |